Astrit Lulushi, Zëri i Amerikës
I sëmuri ka të drejtë të zgjedhë mjekun e vet. Por a ka të drejtë mjeku të zgjedhë pacientin - të mos e pranojë atë?
Ida Davidson nga Worcester, Massachusets duket si shumë amerikanë – dhe e pranon – është pak mbipeshë.
Ajo thotë se u habit shumë, kur mjeku i tha se nuk ishte e mirëseardhur – për shkak të peshës së saj trupore. Ida peshon rreth 100 kilogram.
Vëzhguesit thonë se ky është një rast i rrallë, por jo i paligjshëm – madje brenda etikës mjekësore.
Shoqata amerikane e mjekëve (AMA) thotë se mjekët mund të ushtrojnë lirinë në zgjedhjen e pacientit, njësoj si pacienti ka të drejtë të zgjedhë mjekun që do.
Vëzhguesit thonë se rasti në Worcester mund të jetë i izoluar. Por me kaq shumë amerikanët tani mbipeshë – që nuk kujdesen për veten – disa mjekë thonë se përpiqen të mbrojnë veten – reputacionin - dhe të mos i pranojnë për vizitë pacientët që nuk zbatojnë këshillat e dhëna.
