Astrit Lulushi’s Blog

Gusht 5, 2009

Norvegjia nderon përsëri nobelistin e saj

Filed under: Histori,Kulture,Letersi,sociologji — astritlulushi @ 6:03 am
Tags: , , , , , ,

Astrit Lulushi, Zeri i Amerikës

hamsun-Norvegjia po shënon 150 vjetorin e lindjes së shkrimtarit të saj nobelist Knut Hamsun, duke e përkujtuar atë me pullë postare dhe një muzeum në fshatin e lindjes, pavarësisht nga simpatia e tij për nazizmin gjatë luftës së dytë botërore. Muzeu Hamsun u hap më 4 gusht në Hamaroey, fshati i fëmijërisë së autorit, përgjatë bregdetit norvegjez. I njohur për romanin e tij “Hunger” më 1920, Hamsun fitoi çmimin Nobel për romanin “Growth of the Soil”. Disa kritikë e kanë cilësuar atë si “babain e letërsisë bashkëkohore”. Ndërsa Ernest Heminguei citohet të ketë thënë se, “duke lexuar Hamsun, mësova si të shkruaj”

Si shkrimtari i parë norvegjez fitues i cmimit Nobel, para luftës së dytë botërore, Hamsun nderohej si hero në Norvegji. Në kohën e luftës, Hamsun u bë admirues i Hitlerit. Medaljen e tij të Nobelit ai ia dhuroi Gebelsit, ndërsa  Hitleri e ftoi atë në Berlin, takim që u shfrytëzua nga propaganda naziste për t’u bërë thirrje norvegjezëve që të përkrahnin qeverinë e Vidkun Kuislingut. 

Nga ana e tij, Knut Hamsun e shikonte Hitlerin si shpëtim të Norvegjisë nga ndikimi i mundshëm komunist sovjetik. Ai ushqente një ndjenjë jo miqësore edhe ndaj Britanisë dhe mendonte se një Gjermani e fuqishme do të ishte kundërpeshë ndaj ndikimit britanik në vendet skandinave.

Më 1945, kur u njoftua se Hitleri kishte vrarë veten, Hamsun shkroi rreth tij një artikull plot lëvdata. Pas luftës, Hamsun dhe bashkëshortja e tij, Marie, gjithashtu shkrimtare dhe përkrahëse e Kuislingut, u arrestuan dhe u gjykuan. Ndërsa Vidkun Kuislingu u dënua me pushkatim, Marie Hamsun,  u dënua me disa vjet burgim, ndërsa Knut Hamsun u dënua financiarisht dhe disa prona të tij u sekuestruan. Hamsun vdiq në vitin 1952, në moshën 92 vjeçare. 

Që nga ajo kohë, sa herë që afrohet 4 gushti, ditëlindja e tij, shoqëria norvegjeze përfshihet nga debate duke shtruar pyetjen; a duhet kujtuar Knut Hamsun si shkrimtar nobelist ndërsa mban njollën si përkrahës i nazizmit?  Ministria norvegjeze e Kulturës thotë se nderimi për shkrimtarin Hamsun në 150 vjetorin e lindjes nuk duhet kuptuar në asnjë mënyrë si pajtim me mbështetjen që Hamsun i dha regjimit nazist.

Advertisements

Lini një Koment »

Ende pa komente.

RSS feed for comments on this post. TrackBack URI

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google+

Po komentoni duke përdorur llogarinë tuaj Google+. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s

Blog te WordPress.com.

Këtë e pëlqejnë %d blogues: