Astrit Lulushi’s Blog

Shtator 1, 2010

Sa më të moshuar, aq më të gëzuar

Filed under: Kulture,Psikologji,Shkence,sociologji — astritlulushi @ 12:30 pm
Tags: , ,

Astrit Lulushi, Zëri i Amerikës

Askush nuk dëshiron plaket. Por rezultatet e një studimi tregojnë se njerëzit bëhen më të gëzuar dhe provojnë më pak shqetësime kur arrijnë moshën 50 vjeçare. Ndërsa në moshën 85 vjeç, njerëzit janë më të lumtur se sa kur ishin 18 vjeç.  Këto të dhëna vijnë nga  një anketë mes më shumë se 340.000 të rriturve në Shtetet e Bashkuara. Anketa u krye nëpërmjet telefonit nga organizata Gallup në vitin 2008, kur të anketuarit ishin të moshave nga 18 deri në 85 vjeç.  Njerëzit u pyetën rreth emocioneve si gëzimi, trishtimi e shqetësimi, si dhe rreth stresit emocional dhe mendor.

Studimi u udhëhoq nga dr. Arthur Stone i Departamentit të Psikiatrisë në Universitetin Stony Brook të Nju Jorkut. Nga të dhënat doli se  nivelet e stresit janë më të larta tek personat mes moshave 22 dhe 25 vjeç dhe se  niveli i stresit bie mjaft, pasi njerëzit arrijnë moshën 50 vjeçare.

Sipas studimit, ndjenja e gëzimit është më e lartë tek 18 vjeçarët dhe 70 vjeçarët. Njerëzit me më pak gjasa për të shprehur a shfaqur emocione negative ishin ata rreth moshës 80 vjeçare.

Studimi tregoi gjithashtu se burrat dhe gratë kanë forma të ngjashme zhvillimi emocional ndërsa ata moshohen. Megjithatë, gratë në të gjitha moshat treguan më shumë trishtim, stres dhe shqetësim sesa burrat.

Rezultatet e studimit u botuan në Analet e Akademisë Kombëtare amerikane të Shkencave.

Studiuesit thonë se nuk janë në gjendje të shpjegojnë përse ndjenja e gëzimit rritet ndërsa njerëzit moshohen. Një teori është se kur moshohen, njerëzit e çmojnë më mirë atë që kanë, janë më të përmbajtur dhe i kontrollojnë më mirë emocionet e tyre. Gjithashtu, ata shpenzojnë më pak kohë për të menduar rreth përvojave të këqia.

Profesor Stone thotë se format emocionale mund të jenë të lidhura me ndryshimet se si njerëzit e shohin botën, apo ndoshta edhe me ndryshime në kimistrinë e trurit.

Shkencëtarët gjithashtu shqyrtuan edhe ndikimet që mund të ushtrojnë tek njeriu i rritur përvojat e moshës fëmijënore, ose më pas ato të gjendjes ekonomike, papunësisë e vetmisë. Por ata zbuluan se përvoja të tilla nuk kanë ndonjë ndikim në nivelet e gëzimit e mirëqenies që lidhen me moshën.

Advertisements

Lini një Koment »

Ende pa komente.

RSS feed for comments on this post. TrackBack URI

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s

Krijoni një sajt ose blog falas te WordPress.com.

Këtë e pëlqejnë %d blogues: