Astrit Lulushi’s Blog

Prill 12, 2011

Sëmundja makulare e syve dhe vitamina D


Astrit Lulushi, Zëri i Amerikës

Dëmtimi makular është shkaku kryesor i përkeqësimit të shikimit mes amerikanëve të moshës mbi 65 vjeç. Shkencëtarët thonë tani se gratë e reja mund ta pakësojnë 50 përqind rrezikun e prekjes nga kjo sëmundje nëpërmjet një diete të pasur me Vitaminë D. Dorrette White, e cila sapo është diagnostikuar me dëmtim makular, ndjek këshillat e mjekut, duke ngrënë çdo mëngjes perime.  Dëmtim makular është një sëmundje që lidhet me moshën dhe quhet shkurtimisht AMD (Age-related Macular Degeneration). Personat me këtë sëmundje mund të shikojnë mirë në periferi ndërsa në qendër shohin njolla të verdha.

Vitamina D është e njohur prej kohësh për të mirat shëndetësore, por tani një studim tregon se kjo vitaminë gjithashtu mund të pakësojë edhe rrezikun e prekjes nga dëmtimi makular tek gratë nga mosha 40 deri në 74 vjeç.

Studimi u krye nga shkencëtarë në qendrën mjekësore të Universitetit të Nju Jorkut. Doktor Shantan Reddy,  një nga autorët e studimit, thotë se ulja më e madhe e rrezikut u vu re tek pacientët që konsumonin çdo ditë 720 njësi të vitaminës D. Marrja e vitaminës D aktualisht rekomandohet 600 njësi në ditë. Njeriu merr vitaminë D nëpërmjet rrezeve të diellit, por mjekët thonë se në këtë drejtim ndihmojnë edhe ushqimet e pasura me vitaminë D, si qumështi, nëprodhimet e drithrave dhe veçanërisht peshku. Vetëm 100 gram peshk tuna përmban 720 njësi vitamine D.

Advertisements

Lini një Koment »

Ende pa komente.

RSS feed for comments on this post. TrackBack URI

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s

Krijoni një sajt ose blog falas te WordPress.com.

Këtë e pëlqejnë %d blogues: