Shkenca, psikologjia dhe varësia nga ushqimet

Astrit Lulushi, Zëri i Amerikës

Është e vërtetë se shumë njerëz e kanë të vështirë të përmbahen kur është fjala për të ngrënë një ushqim të caktuar. Edhe pse e dinë se nuk është mirë për shëndetin e tyre, ata vazhdojnë të hanë dhe pak nga pak, një ditë shqetësohen se janë mbi peshë.  Në qëndrën Rud të universitetit Yale, shkencëtarët mendojnë se problemi i varësisë nga ushqimi është psikologjik. Ata besojnë se disa substanca të caktuara kimike në ushqime si sheqer e yndyrë, mund të krijojnë varësi njësoj si duhani, alkoholi a droga.

Për të parë reagimin e trurit, shkencëtarët në universitetin e shtetit Oregon vëzhguan dy grupe; në njërin u përfshinë persona që nuk përmbaheshin ndaj ushqimeve të ëmbëla; dhe në grupin tjetër persona që nuk e kishin këtë problem. Ata të gjithë kaluan nëpër aparate skanimi të trurit.

Drejtuesja e programit për politikën e ushqimit dhe obesitetin, Ashley Gerhardt thotë se nga të dhënat e grumbulluara doli se tek personat e ndërvarur ndaj ushqimeve të ëmbëla, në zonat e trurit përgjegjëse për krijimin e varësive, u vu re një intensitet shumë i lartë, në krahasim me personat e grupit tjetër.

Bazuar në të dhënat, disa persona të caktuar janë të varur nga disa lloj ushqimesh dhe se problemi duhet kërkuar jo në stomak por në tru.