Diagnostikimi i kanceri të gjirit

Astrit Lulushi, Zëri i Amerikës

Dihet se zbulimi i herëshëm i kancerit të gjirit është vendimtar për mbijetesën e pacienteve. Gjithashtu dihet se Imazhet me Rezonancë Magnetike ose MRI, janë një nga metodat më të përhapura për zbulimin e kancerit të gjirit. Por një studim tregon se kjo metodë ndikon pak në përmirësimin e mbijetesës së pacienteve.

Megjithëse mamografia është mjeti më i zakonshëm për diagnostikimin e kancerit të gjirit, Imazhet me Rezonancë Mamagnetike ose MRI janë gjithashtu të efektshëm, sidomos tek gratë me inde të dendura të gjirit dhe ato me kancer të ndryshuar BRCA.

Por një studim në revistën mjekësore britanike “Lancet” gjen pak dëshmi rreth efektshmërisë së Imazheve me Rezonancë Mamagneti në përmirësimin e mbijetesës së grave me kancer në gji.

Shkencëtarët rishikuan rezultatet e 87 studimeve të kryera gjatë 10 vjetëve të fundit. Sipas të dhënave, megjithëse Imazhet me Rezonancë Magnetike ishin më të ndjeshëm sesa mamografia në zbulimin e kancerit në gji, studiuesit nuk gjetën prova se këto rezultate kishin ndikuar në përmirësimin e mbijetesës së pacienteve. Gjithashtu, MRI nuk kishte ndikuar as në pakësimin e rasteve të operacioneve për heqjen e kancerit të gjirit.

Megjithkëtë, autorët e studimit thonë se Imazhet me Rezonancë Magnetike janë zbuluesit më të mirë të tumoreve të vegjël në gji dhe udhëzues të dobishme në kimoterapi dhe rrezeterapi për gratë e operuara në gji.