PFC ul efikasitetin e vaksinave

Astrit Lulushi, Zëri i Amerikës

Një studim i kohëve të fundit tregon se PFC-të dobësojnë efikasitetin e vaksinave  rutinë të fëmijëve.  PFC njihen edhe si Teflon.  Ato janë kimikate industriale që hyjnë në çdo shtëpi. pasi përdoren për prodhimin e enëve të kuzhinës, qeseve plastike, dhe për tapetet rezistent ndaj njollave. Teflon gjejnë përdorim të gjërë pas u qëndrojnë temperaturave të larta, reaksioneve kimike, gryerrjes, etj.

Nëpërmjet  ushqimit a kontaktit, PFC-të gjejnë rrugën për të hyrë në organizëm.  Ato gjithashtu kalojnë tek foshnjet nëpërmjet qumështit të nënës.

Një studim në Revistën e Shoqatës Amerikane të Mjekësisë (JAMA), tregon se nivele të larta PFC dobësojnë efektshmërinë e vaksinave rutinë të fëmijëve.  Gjatë studimit, mostra të gjakut nga gratë shtatzëna u analizuan për nivele të
PFC-së – dhe të dhënat pastaj u përdorën për të matur funksionin e sistemit imunitar të fëmijëve të tyre kur këta mbushën 5 vjeç.

Rezultatet treguan se vaksinat e difterisë tek fëmijët e nënave me nivele të larta PFC ishin 39 përqind më pak efekase.

Gjatë studimit, edhe fëmijët u analizuan për nivelet e PFC-së në gjakun e tyre.  Ata me nivele të larta PFC ishin në  rrezik të lartë ndaj tetanosit dhe difterisë për
shkak dobësimit të sistemit të tyre imunitar.