Astrit Lulushi’s Blog

Shkurt 14, 2012

Lidhje midis natriumit, kalciumit dhe aritmisë


Astrit Lulushi, Zëri i Amerikës

Njerëzit provojnë dridhje në zemër. Për ‘to thuhet se janë emocionale. Por një studim i ri sugjeron se dridhja në zemër mund të ketë më shumë lidhje me lëvizjen e joneve të natriumit (sodium), sesa me shikimin e dikujt në një dhomë të mbushur me njerëz.

Duke përdorur menyren synchrotron ne Canadian Light Source (CLS) , shkencëtarë nga Universiteti British Columbia në Kanada kanë zbuluar, për herë të parë, një nga mekanizmat molekularë që rregullon rrahjen e qelizave të zemrës duke kontrolluar lëvizjen e sodiumit brënda dhe jashtë qelizave – dhe rolin e kalciumit në të. Studimi, botuar në Proceedings of the National Academy of Sciences, hedh dritë të re në këtë proces të rëndësishëm fiziologjik, ndërsa zbulon shkakun kryesor dhe objektivat e mundshme te trajtimit të dy kushteve të aritmisë kardiake, që përbëjnë kërcënim për jetën

Tkurrjet dhe relaksimi apo pulsimet i qelizave të muskujve të zemrës rregullohen nga impulset elektrike të krijuara kur atomet e ngarkuara ose të jonizuara natriumi, kaliumi dhe kalciumi kalojnë përmes kanaleve të ndërlikuara molekulare brenda dhe përmes qelizave.

Rrahjet e parregullta të zemrës, ose aritmia siç quhet në mjekësi, mund të ndodhin kur këto kanale rrjedhin (pikojnë) ose nuk funksionojnë. Gjatë studimit, shkencëtarët përdorën CLS për të përcaktuar strukturën molekulare të një pjese të kanalit që kontrollon rrjedhën e sodiumit në qelizat në zemër, si dhe në qelizat e tjera si ato në sistemin nervor.

Zemra është një organ elektrik që varet nga sinjalet elektrike për të pompuar gjak. Prandaj është thelbësore që për të patur rrahje te rregullta, këto sinjale që ndikohen a kontrollohen nga levizja e natriumit, të jenë të sakta, thotë një nga autorët e studimit, doktor Filip van Petegem.

Kanali i natriumit që kalon nëpër membranën e jashtme të qelizave të zemrës është në të vërtetë një molekulë e madhe e ndërthurur me katër pjesë. Gjatë studimit, shkencëtarët shqyrtuan një pjesë të kësaj molekule që u duk se rregullonte mbylljen e kanalit, duke ndaluar kalimin e natriumit.

Shkencëtarët u befasuan kur zbuluan se një proteinë e quajtur “calmodulin” ndikonte në mbajtjen hapur të kanalit të natriumit, ndërsa jonet e kaliciumit krijonin lidhjen ndërmjet kësaj proteine dhe kanalit, duke e mbajtur atë të hapur.

Probleme ndodhin kur mutacionet gjenetike ndryshojnë formën e kanalit në vendin ku proteina lidhet me të, duke afektuar kështu hapje-mbylljen e rregullt të kanalit. Si rezultat, rrjedha e sodiumit në qelizat e muskujve pengohet dhe zemra nuk rreh rregullisht.

Shkencëtarët, prej kohësh, kanë identifikuar mutacionet që çojnë në dy lloj aritmie në zemër; Sindroma Brugada që shkaktohet nga kalimi i pamjaftueshëm i natriumit në qeliza – dhe Q-T të llojit 3, që është rezultat i sasive të mëdha natriumi në qeliza.

Rezultatet e studimit mund të hapin rrugën për zhvillimin e barnave të reja që mund të pengojnë lidhjen e proteinës “calmodulin” me kanalin e natriumit, për trajtimin në mënyrë efektive të këtyre dy llojeve të aritmisë.

Burimi; http://www.sciencedaily.com/

Advertisements

Lini një Koment »

Ende pa komente.

RSS feed for comments on this post. TrackBack URI

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s

Krijoni një sajt ose blog falas te WordPress.com.

Këtë e pëlqejnë %d blogues: