Studim mbi sëmundjen e Parkinsonit

Astrit Lulushi, Zëri i Amerikës

Një lajm rreth sëmundjes Parkinson.

Shkencëtarët thonë se së shpejti do të jenë në gjendje të përcaktojnë shpejtësinë e përparimit të sëmundjes – hap që ata e shohin si të rëndësishëm për përmirësimin e trajtimit.

Sëmundja e Parkinsonit është çrregullim neurologjik që ka si veçori keqësimin gjithnjë e më të madh deri në shkatërrim të funksionit motorik të njeriut, – nga shpejtësia e keqësimit varet shumë edhe mënyra e trajtimit të pacientit.

Tani shkencëtarët thonë se një gjen që lidhet me Parkinsonin mund të zbulojë se cilët persona mund të preken nga sëmundja dhe sa shpejt.

Autorët e studimit në revistën “PLoS ONE”, thonë se tek pacientët me Parkinson që kishin dy variantet e gjenit në fjalë shpejtësia e dobësimit të sistemit motorik ishte më e madhe sesa tek pacientët me Parkinson që nuk kishin variantet e këtij gjeni.

Kjo do të thotë se tek pacientët me variantet e gjenit, mjekët mund të provojnë terapi të ndryshme për të parë që në fillim efektin e barnave, duke krijuar mundësi për të përmirësuar trajtimin e tyre.