Gjumi dhe mësimi

Astrit Lulushi, Zëri i Amerikës

Këshilla për nxënësit që kthehen në shkollë pas pushimeve të verës

Zilja e mësimit nuk duhet të konkurojë me zilen e zgjimit – nxënësit nuk duhet të humbasin gjumin për mësimet e tyre.

Një studim në revistën “Child Development” gjen prova se qëndrimi zgjuar gjatë natës për të mësuar për provimin e nesërm është kohë e humbur.

Shkencëtarët u kërkuan 535 nxënësve mes klasave IX – XII për të mbajtur një ditar se sa kohë studionin, sa kohë flinin, dhe nëse kishin pasur ndonjë problem të nesërmen në klasë, si për shembull;

– Nuk kishin kuptuar mësimin (ose)

– Kishin bërë keq provimin

Rezultatet treguan se kur koha e studimit merrte kohën e gjumit, nxënësit dilnin dobët në mësime ditën e nesërme.

Kjo nuk do të thotë se fëmijët duhet të studiojnë më pak – por nëse sakrifikojnë gjumin për studimin, ata dëmtohen më shumë se të ndihmohen.