Astrit Lulushi’s Blog

Tetor 1, 2012

Shefat, vartësit dhe stresi

Filed under: Gjenetike,Mjekesi,Psikologji,Shkence,sociologji — astritlulushi @ 11:22 pm
Tags: , ,

Astrit Lulushi, Zëri i Amerikës

Një studim i ri i universitetit të Harvardit përmbys imazhin ekzistues se shefi ka punën më stresuese.  Studimi zbulon se  ata që udhëheqin kanë nivel më të ulët stresit se sa vartësit e tyre.

Studimi, i publikuar në Proceedings National Academy of Science, krahasoi treguesit e stresit, duke përfshirë nivelet e hormonit kortisol dhe nivelin e ankthit midis dy grupeve; atyre që udhëheqin dhe atyre që udhëhiqen. Kortisol quhet ndryshe “hormoni i stresit” pasi sa më i ulët të jetë niveli i këtij hormoni, aq më pak stres ka njeriu.

Shkencëtarët e në Laboratorin Shkencor të  Shkollës Kennedy në Harvard kryen sondazhe të thella për të kuptuar gjendjen e të intervistuarve dhe analizuan mostra të pështymës për të matur nivelin e hormonit kortisol.

Urtësia konvencionale thotë se roli udhëheqës është i vështirë, madje shumë libra e programe qarkullojnë se si duhet menaxhuar stresin e shefave, udhëheqësve dhe komandantëve të lartë. Rezultatet e studimit tregojnë se të qenit në krye është një punë me më pak stres. Këtë, thonë shkencëtarët, e tregon niveli dy herë më i ulët i kortisolit që u gjet tek këta persona, në krahasim me ata që udhëhiqen prej tyre. Edhe studime të mëparëshme kanë treguar se kur njeriu është nën kontrollin e tjetrit,  më shumë ankth e stres, sesa kur  kontrollon  apo e ndjen veten më të pavarur, më të çliruar nga kontrolli i tjetrit.

Autorët e studimit thonë se këto rezultate mund të ndihmojnë edhe punë-dhënësit për të menaxhuar më mirë nivelin e stresit në vendet e punës, ndoshta duke u përqëndruar më shumë tek punëtorët sesa tek shefat apo drejtuesit përsa i përket stresit.

Advertisements

Lini një Koment »

Ende pa komente.

RSS feed for comments on this post. TrackBack URI

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s

Krijoni një sajt ose blog falas te WordPress.com.

Këtë e pëlqejnë %d blogues: