Kombinimi i kalciumit me vitaminë D – pasoja jo të mira

Astrit Lulushi, Zëri i Amerikës

Studimet e kaluara kanë treguar se vitamina D mund të mbrojë kundër humbjes së kujtesës dhe dobësimit të trurit.

Një studim në “Journal of the American Geriatrics Society” morri në shqyrtim 2 mijë gra me moshë mesatare 71 vjeç, të cilave iu dhanë 400 njësi ndërkombëtare (IU*) vitaminë D dhe 1000 miligram kalcium, për çdo ditë për 8 vjet.

Rezultatet treguan se këto gra patën dëmtime njohëse dhe humbje të konsiderueshme kujtese – me të njëjtin ritëm me një grup tjetër grash të cilat kishin marrë placebo.

Autorët e studimit thonë se në këtë rast ata mësuan se kombinimi i kalciumit me vitaminën D mund të kenë efekte kontradiktore. Pra, tani atyre u duhet një studimi më përcaktues – për të provuar efektet e niveleve të larta vetëm të vitaminës D, pasi ka kohë që shumë ekspertë u rekomandojnë pacientëve të tyre doza më të larta me këtë vitaminë.

IU*

IU janë inicialet për “International Unit” – njësi ndërkombëtare – dhe përdoret për matjen e barnave dhe vitaminave.

IU është një sasi e biologjike që prodhon një efekt të veçantë biologjik, për të cilin është rëndë dakord të pranohet së një standard ndërkombëtar.

IU është e varur nga fuqia e substancës, dhe çdo ilaç ose vitaminë ka një substancë IU ndryshe për konvertim në miligram. Për shembull, 1000 IU e vitaminës C do të ketë një peshë ndryshe nga 1000 IU e vitaminës D.

Për sqarim rreth masës së ilaçit ose vitaminës, njerëzit zakonisht kontaktojnë farmacistët ose prodhuesit e vitaminës.