Astrit Lulushi’s Blog

Janar 17, 2013

Te lutem, pak hipokrizi

Filed under: Biologji,Kulture,Mjekesi,Psikologji,Shkence,sociologji — astritlulushi @ 4:13 am
Tags: , , , ,

Astrit Lulushi, Zeri i Amerikes

Kindness

Shumë flitet mbi përfitimet nga e qeshura. Studimet tregojnë se të qeshurit shkakton ndryshim të pavullnetshëm perceptimi. E qeshura cilësohet si një nga sjelljet pozitive më ndikuese, prandaj njeriu nuk duhet të jetë medoemos në humor për të buzëqeshur, dhe as për të bërë mirë. E qeshura, si akt ndikimi pozitiv, që s’ka nevojë për gjë tjetër (e njëjta, në kahun negativ, vlen për buzët e shtrënguara), duket se përbën të vetmin aspekt të sjelljes ku për hir të së mirës, pranohet paradoksi apo hipokrizia.

E qeshura mund të përmirësojë edhe zërin. Në gjendje shpirtërore e tensionuar, kur bie telefoni, buzëqeshja rekomandohet për të krijuar përshtyje të mirë në anën tjetër të receptorit.

Por e qeshura nuk sjell vetëm përfitime marrëdhëniesh shoqërore. Ajo gjithashtu qetëson rrahjet e zemrës dhe ul stresin. Ashtu si gëzimi është shpesh burimi buzëqeshjeje, nganjëherë buzëqeshja mund të jetë burim gëzimi.

Shprehja e fytyrës ndikon gjendjen shpirtërore. Në psikologji ekziston një teori e quajtur “fytyrë reaguese” ose teoria e afektimit (ndikimit), sipas së cilës shprehja e pavullnetshme e fytyrës jep informata të mjaftueshme rreth gjendjes emocionale.

Studimet kanë provuar se shprehja e fytyrës ndikon sjelljen, madje edhe biologjinë e personit. Një numër studimesh mbështesin këtë ide, ndërsa ndryshime shkaktuar nga emocionet u përjetuan nga pjesëmarrësit të cilët ishin udhëzuar të krijonin shprehje të caktuara në fytyrat e tyre. Një personi, p.sh., iu kërkua për të imituar një fytyrë të zemëruar dhe tek ai u vunë rritje fluksi të gjakut në venat e duarve dhe këmbëve, sic ndodh edhe tek personat vërtet në zemërim. Kur pjesëmarrësve në studim iu kërkua të buzëqeshnin, kjo shkaktoi ndjeshmëri a perceptim të secilit për personin tjetër.

Mos kjo do të thotë se njeriu duhet të shtiret? Edhe një buzëqeshje hipokrite mund të përmirësojë deri-diku gjendjen shpirtrore, por nuk e kuron dot atë. Që një problem të zgjidhet, duhet shtruar hapur dhe hapje do të thotë sinqeritet. Megjithatë, lufta me stresin a ndjenjat e zymta përbëhet nga shumë beteja dhe buzëqeshja, e shtirur a e sinqertë, fiton një prej tyre. Çdo gjë që ndihmon sado-pak ia vlen të provohet, pse jo?

Advertisements

Lini një Koment »

Ende pa komente.

RSS feed for comments on this post. TrackBack URI

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s

Blog te WordPress.com.

Këtë e pëlqejnë %d blogues: