Gërhitja tek fëmijët dhe ADHD

Astrit Lulushi, Zëri i Amerikës

Një studim i ri në “Journal of Pediatrics” shqyrton mundësinë e lidhjes midis gërhitjes tek fëmijët dhe problemeve në sjellje – përfshi ADHD – në moshë më të rritur.

Autorët e studimit shqyrtuan për 7 vjet gjendjen e 11 mijë fëmijëve. Rezultatet treguan se fëmijët që gërhisnin, që merrnin frymë me gojë ose u bllokohej frymëmarrja në gjumë (Apnea), kishin 2 herë më shumë gjasa për të patur probleme në sjellje kur mbushnin 7 vjeç. Disa prindër shpesh ankohen se fëmijët që gërhasin, nevrikosen shpesh, bëhen të pabindur ose të vështirë për t’u kontrolluar. Shkencëtarët tani janë duke studiuar nëse trajtimi i gërhitjes, do të parandalojë problemet përsa i përket sjelljes së tyre.